بشرفك بتحكي جد!! طيب إحلف!!!

مساء الخير عليكم جميعا...

كيف الأحوال ؟؟ إن شاء الله تكونو كلكم بخير ..
.
هاد مبارح وأنا سهران ،وكنا مجموعة كبيرة وعم نحكي ومبسوطين ،انتبهت على شغلة وهي الحلفان ، نص كلامنا بيكون حلفان وطبعا من كل الأشكال والأنواع ،والشباب ما شاء الله عليهم ما بيقصرو ،شاطرين كتير بالأيمان ،ما في أسرع من اليمين عندهم،سواء إلو داعي أو لأ،وسواء كان صادق أو كزاب!!!
بس الشي اللي استغربت منه هو إنه أغلبنا بيحلف بغير الله ،وهالشغلة حرام وما بتجوز أبدا..
يعني مثلا لما واحد بيحكي شغلة وبيحلفك بأغلى ما عندك ،بتتفاجأ إنه بيقول بحياة أبوك ،أو بشرفك ،أو بزمتك، أو برحمة أبوك أو إمك،وحياة النعمة.... وهيك شغلات!!!

هلأ بصراحة بدي الكل يجي ويحكيلنا بشو بتحلف ؟ وليش بتحلف؟حتى الناس يصدقوك أو لأنه تعودت وخلص؟ويعني ما بيصير نحكي من غير يمين وحلفان؟؟

ويا ترى ليش إذا حلفنونا بأغلى شي بنروح دغري ونحلف بأهلنا؟ وما بنحلف بالله؟؟

طيب هالشي مو حرام؟ ولا صارت عادة عنا ،إنا بنحلف من غير ما ننتبه للي بنحكيه؟؟ يعني يمين والسلام!!!

ولو إنت ما بتحلف بغير الله ،ومقتنع إنك صح ،وسمعت حدا بيحلف بهيك شي ،شو بيكون موقفك؟ بتنصحه وبتحكيله إنه غلط ،ولا بتسكت وبتقول ما دخلني؟؟؟

برأيكم شو السبب بهالظاهرة؟ هل هو جهل منا أو خطأ بتربيتنا أو لأنا تعودنا من كل اللي حوالينا نسمعهم بيحلفو بكل شي وبأي شي؟؟

تقبلوا تحياتي

هلأ انا متلك لاحظت هالشي وانا بحكيلك انو صح انا بس احلف بحكي

والله او وحياة الله او بحياة يلي خلقك

فهلأ الناس انا برأيي بشوفها بتحلف عالطالعة وعالنازلة عاللي بيسوى وما بيسوى وكانو الحلفان صار موضة عندهم

موضوعك حلو وطرحو مهم

انا شخصيا بحلف بالله ومش كتير .......... الحمد لله هالحاجة مش في

و اذا حدا حلف قدامي بقول ... قال رسول الله صلى الله عليه وسلم ( من كان حالفا فليحلف بالله او ليصمت )

ما بيهمني مين يصدقني ومين بدوش لانه انا دايما والحمد لله بحكي الصدق مشان هيك ما بضطر احلف

حتى انه ما ببالغ بالحكي وبتقد المبالغة ......... اللي بيحلف كتير بيكون كذاب ما حد بيصدقه عشان هيك بيحلف

يسلموووو كتير على مرورك
تحياتى